Rydych chi yma:
Hafan /
Datblygu'r Gweithlu /
Cynllun Datblygu'r Gweithlu - Ymgynghoriad

Cynllun Datblygu'r Gweithlu - Ymgynghoriad

Dogfen Ymgynghori:

Cynllun Datblygu'r Gweithlu ar gyfer y Sector Gwaith Ieuenctid yng Nghymru

Cyflwyniad

Mae’r sector Gwaith Ieuenctid yng Nghymru’n chwarae rhan hanfodol mewn cefnogi pobl ifanc er mwyn datblygu eu potensial, ymgysylltu â’u cymunedau a chael mynediad i addysg, hyfforddiant a thwf personol. Er mwyn sicrhau bod y sector yn parhau i ffynnu, ac yn bodloni anghenion esblygol pobl ifanc, mae’r Grŵp Cyfranogiad Gweithrediad Datblygu’r Gweithredu, sy’n is-grŵp i’r Bwrdd Gweithredu Strategaeth Gwaith Ieuenctid, sy’n datblygu Cynllun Datblygu’r Gweithlu cynhwysfawr. Bydd y cynllun yn amlinellu strategaethau ar gyfer recriwtio, hyfforddiant, cadw staff a chynnydd o fewn y sector.

Mae eich mewnbwn yn hanfodol er mwyn sicrhau bod eich cynllun yn adlewyrchu safbwyntiau ac anghenion amrywiol y sawl sy’n gweithio yn y maes ac yn elwa o waith ieuenctid. Mae’r ddogfen yn amlinellu sut y gallwch gymryd rhan yn y broses ymgynghori, a darparu adborth i siapio dyfodol Datblygu’r Gweithlu yn y Sector Gwaith Ieuenctid yng Nghymru.

Amcanion y Cynllun Datblygu’r Gweithlu

Gyda’r cynllun hwn, mae’r amcanion wedi’u nodi’n glir ymhob maes pwnc, sy’n cynnwys:

Cymwysterau Gwaith Ieuenctid a’r llwybrau cynnydd
Addysg Broffesiynol ar gyfer Gweithwyr Ieuenctid
Diwallu anghenion pobl ifanc drwy ddatblygiad y Gweithlu
Gwaith Ieuenctid Cymraeg
Hyrwyddo Gwaith Ieuenctid fel dewis gyrfa

Sut i gymryd rhan Rydym yn estyn gwahoddiad i fudd-ddeiliad, gan gynnwys ymarferwyd Gwaith Ieuenctid, cyflogwyr, pobl ifanc, arweinwyr a rheolwyr, ac aelodau o’r gymuned, i gymryd rhan yn y broses ymgynghori. Mae eich mewnbwn a phrofiadau yn werthfawr er mwyn siapio cynllun sy’n ymarferol ac yn effeithiol.

Mynd i Ddigwyddiadau Ymgynghori
- Byddwn yn cynnal cyfres o ddigwyddiadau ar-lein i drafod y cynllun hwn, a rhoi cyfle i chi roi eich adborth a sylwadau ar y cynllun arfaethedig.
- Gellir canfod manylion o’r digwyddiad a dolenni cofrestru yma: https://tinyurl.com/2cdkp7m7
Llenwch yr Arolwg Ar-lein
- Rhannwch eich adborth drwy lenwi ein harolwg ar-lein. Mae’r arolwg ar agor nes 7 Chwefror 2024, a gellir ei lenwi yn Gymraeg a Saesneg.
- Gellir gweld yr arolwg yma: https://forms.office.com/e/N2e0GDK2u5
Adborth y grwpiau gweithredol
- Gall grwpiau strategol ledled Cymru gyflwyno eu hadborth ac mae croeso iddynt anfon neges e-bost at : ets@wlga.gov.uk i gael cynrychiolydd i fynychu a chymryd adborth ar y cyd.

Cwestiynau Allweddol ar gyfer yr Ymgynghoriad

Er mwyn llywio eich adborth, rydym yn eich gwahodd i ystyried y cwestiynau canlynol:

Ydi’r cynllun yn cynnwys yr heriau cyfredol sy’n wynebu’r sector Gwaith Ieuenctid yng Nghymru?
A oes unrhyw amcanion allweddol ar gyfer datblygu gweithlu Gwaith Ieuenctid yr ydych chi’n credu sydd ar goll?
A oes unrhyw amcanion yn y cynllun yr ydych yn credu y dylent gael eu tynnu neu eu newid?
Oes yna unrhyw sylwadau cyffredinol eraill yr hoffech eu gwneud am y testunau yma?