||
Gweithio gydag ETS Cymru
Mae’r syniad o adolygu trwy gymheiriaid wrth wraidd gwaith ETS Cymru. Mae adolygu o’r fath yn rhoi hygrededd i’r hyfforddiant a’r cymeradwyo fel ei gilydd ac yn annog pawb i fod yn gyfrifol ac yn atebol ar y cyd am gydnabyddiaeth broffesiynol.
Mae modd gweithio gydag ETS Cymru trwy wirfoddoli i fod yn aelod o’r paneli fydd yn ymweld â sefydliadau a mudiadau i roi sêl eu bendith ar eu gwaith neu trwy gyflwyno eich enw ar gyfer unrhyw is-bwyllgor a allai gael ei sefydlu (i lunio/adlunio canllawiau, er enghraifft). Os oes diddordeb gyda chi yng ngwaith ETS Cymru, cysylltwch â ni.
Ymgynghorwyr
Byddwn ni’n cynnig gwaith i ymgynghorwyr o bryd i’w gilydd, hefyd. Os oes diddordeb gyda chi mewn gwaith o’r fath, darllenwch y dogfennau sydd wedi’u hatodi.
